Kommentaar oor verlede week se resepte:
Groenbone met eier suursous
My boontjies was net 250g. Toe halveer ek die sous maar behou die 1 hardgekookte eier. Dit was baie lekkerder as in die verlede toe ek 750g booontjies gebruik het. Ons is net 3 wat eet, dus bly daar altyd oor. Hierdie keer was daar niks vir Eric om in te pak vir werk die volgende dag.
Potgebraaide skaapboud
Dit is 'n duur dis maar was verskriklik lekker.
Koue koejawel nagereg
Dit was baie lekker maar eks seker dit sal ook goed werk met skywe ingelegde perskes.
Gevulde skorsies
Ek het net 3 skorsies (6 helftes) gebruik. Die vulsel was eintlik net reg. Bietjie oor gehad om bo-oor te strooi. Mooi gelyk nadat gebak.
Vakansieslaai
Ek het dit 'n paar dae voor die tyd berei, was dus heerlik koel. Die sous se byt is te erg. Ek sal in die toekoms net 5ml kerriepoeier ingooi.
Geniet jul bak en brou hierdie week. Dankie ons het kos om te berei. Ook dankie dat ons huismense het om te eet.
No comments:
Post a Comment