Groenbone kasserol

1 medium eiervrug, in ringe gesny
50ml olie
2 uie, grof gekap
2 groen soetrissies, grof gekap
5 knoffelhuisies, gekneus
1kg jong groenbone, stingels verwyder
5 tamaties ontvel en grof gekap
10ml droe origanum
4 lourierblare
20ml bruinsuiker
sout en peper na smaak
50g fetakaas, in blokkies gesny

Sprinkel sout oor eiervrugskywe, plaas in vergiettes en laat staan vir 30 minute.  Druk droog met handdoekpapier.Verhit 25ml olie in groot pan en soteer ui, soetrissie en knoffel tot sag.  Skep uit.
Voeg ander 25ml olie in pan en soteer eiervrugskywe tot bruin.  Voeg uiemengsel, groenbone, tamaties, geurmiddels en bietjie water by, prut stadig tot groenbone sag is.  Roer af en toe.  Haal lourierblare uit.
Skep in opdienbak/oondskottel.  Plaas fetakaas blokkies bo-op en verhit vir nog 5 minute voor opdiening