Hoender Masala

6 - 8 porsies

Koekmeel
Sout en varsgemaalde swartpeper
12 hoenderporsies
Olyfolie en botter om in te braai
2 groot uie, gehalveer en in dun skyfies gesny
2 Granny Smith appels, geskil, ontpit en in blokkies gesny
250ml hoender aftreksel
10ml masala of matige kerriepoeier
30 ml appelkooskonfyt

Voorverhit die oond tot 180^◦C
Geur die meel met sout en peper en bedek die hoenderporsies daarmee.  Skud die oortollige meel af.
Verhit gelyke hoeveelhede olie en botter in 'n braaipan en braai die hoender alkant goudbruin, maar nie gaar nie.  Plaas dit in 'n groot oondbak.
Soteer die uie in dieselfde pan tot goudbruin en skep dit oor die hoender.
Strooi die appels bo oor.  Meng die aftreksel, masala en konfyt en giet dit oor.
Bedek die bak met foelie en stowe die hoender vir 30 minute.  Verwyder die foelie en stowe nog 10 tot 15 minute of tot die hoender sag is en die sous effens verdik het.