resepte

Gevulde skorsies
4 - 6 mense

100ml rou rys
900g / 6 skorsies
25ml olie
1 ui, grof gekap
1 knoffelhuisie, gekneus
1 stingel seldery, in ringe gesny
37,5ml haselneute, grof gekap
37,5ml gedreineerde pitmielies
sout, peper, paprika
80ml gerasperde cheddarkaas

BOTTER
100ml botter
75ml haselneute, grof gekap
skil van halwe suurlemoen

Skakel roosterelement van oond aan
Kook rys tot gaar en dreineer
Sny stingels van skorsies af en halveer.  Skep pitte uit en kook in soutwater tot net gaar.  Dreineer en plaas op bakplaat.
Verhit olie in vlak pan.  Soteer ui, knoffel en seldery daarin tot sag. 
Voeg haselneute by en braai ongeveer 1 minuut.
Verwyder van hitte, voeg rys, pitmielies en geurmiddels by.  Meng goed.
Skep vulsel in holtes van skorsies en besprinkel met kaas. 
Plaas onder roosterelement en rooster totdat kaas gesmelt is.

Plaas die botter, neute en suurlemoenskil in kastrol.  Verhit oor lae hitte tot botter gesmelt is.  Giet oor skorsies en dien op.

Gesinskommentaar volg