6 persone
2 eiervrugte, in skywe gesny
2 uie, in ringe gesny
3 knoffelhuisies, fyn gekap
3 groot tamaties, ontvel en grof gekap
knippie suiker
3ml origanum
sout en peper
37,5ml botter
50ml koekmeelblom
500ml melk
37,5ml gekapte pietersielie
droe broodkrummels om bo-op te strooi
Sprinkel sout oor eiervrugskywe, laat 30minute in vergiettes staan. Druk skywe droog met handdoekpapier en bak in olie tot ligbruin. Dreineer op handdoekpapier.
Voorverhit oond tot 180 grade C.
Soteer ui en knoffelhuisies in pan tot sag. Voeg olie by indien nodig. Skep uit en hou eenkant.
Plaas tamaties, suiker, origanum en sout en peper na smaak in pan en prut tot moes.
Maak witsous met botter, koekmeelblom en melk. Geur na smaak met sout en peper en voeg pietersielie by.
Skep die tamatiemoes onder in die tertbord en pak die eiervrugskywe bo-op. Sprinkel uie oor en skep witsous bo-op. Sprinkel broodkrummels oor. Bak ongeveer 30 minute lank tot bo kors verbruin.
No comments:
Post a Comment