resepte

Murgpampoen kasserol
4 - 6 mense

250g murgpampoentjies in 1cm skywe gesny
37,5ml botter
2 gekneusde knoffelhuisies
1 x 410g gesnyde tamaties
10ml suiker
sout en peper
250ml suurroom
250ml sagte bruinbroodkrummels
5ml paprika
12,5ml amandel, fyn gekap
125ml gerasperde cheddar kaas

Voorverhit oond tot 180 C
Soteer murgpampoentjies in 20ml van botter tot bruin aan albei kante.  Verwyder uit pan, pak in gesmeerde oondvaste bak.
Plaas orige botter in pan en soteer knoffel daarin.
Voeg die tamaties by en soteer nog 'n paar minute.  Geur met suiker, sout en peper. 
Voeg die suurroom, krummels, paprika en amandels by.  Prut 5 minute totdat sous lekker dik is.
Skep oor murgpampoentjies en strooi kaas bo-oor.
Bak totdat kaas gesmelt is en gereg deurgaar is

Hierdie resep het ek nog nie gemaak nie.  Gesinskommentaar volg