Portugese eiers

6 - 8 persone

8 eiers
1 blik 425g sardyne in tamatiesous
50ml fyngekapte pietersielie
12,5ml suurlemoensap
12,5ml mayonaise
knippie gemengde kruie
sout en peper na smaak
4 groot tamaties
200ml Cheddar kaas, fyn gerasper

Kook eiers hard, dop af en sny middeldeur.
Verwyder eiergele, maak fyn.
Voeg sardyne by, meng met 'n vurk om pasta te vorm.
Voeg pietersielie, suurlemoensap en mayonaise by en geur met gemengde kruie en sout en peper.
Skep die mengsel in die eierwithelftes.
Sny die tamaties in dikkerige skywe en plaas op bakplaat.
Plaas 'n eierhelfte op elke tamatieskyf en sprinkel kaas bo-oor.
Skakel roosterelement aan en rooster totdat kaas gesmelt het.
Dien dadelik op saam met suurlemoenwiggies