Koringslaai

250ml rou stampkoring
sout en varsgemaalde swartpeper
Klein ui, baie fyn gekap
2 ryp tamaties, in klein blokkies gesny
1 groen soetrissie, ontpit en gekap
75ml sultanas
halwe klein pynappel, geskil en in blokkies gesny

Slaaisous
45ml suiker
30ml korrelmosterd
5ml matige kerriepoeier
30ml wit asyn
250ml mayonaise
30ml melk

Kook koring in 3k water met knippie sout vir 30 - 40 minute tot sag.  Dreineer deeglik, spoel met koue water af en laat afkoel.
Plaas ui in bakkie.  Giet kookwater oor en laat vir 'n paar minute staan.  Dreineer deeglik.
Voeg ui en ander slaaibestanddele by koring en geur na smaak.

Slaaisous
Klits al die bestanddele saam en geur na smaak.  Bedien saam met slaai